iks84im62a的部落格

標題:

有關熊仔鼠...

發問:

我有3隻熊仔鼠..岩岩生左bb果個叫aa..隻公叫bb..仲有隻鼠女叫cc..佢都有左...我想問!!aa生左4隻bb...第1隻就焗死既..我想問佢點解吾救反bb出泥?第2隻又死埋...佢系條頸斷左死既...我想問點解會甘?d bb過左幾多日先至冇甘易死?我十日到冇幫aa... 顯示更多 我有3隻熊仔鼠..岩岩生左bb果個叫aa..隻公叫bb..仲有隻鼠女叫cc..佢都有左...我想問!! aa生左4隻bb...第1隻就焗死既..我想問佢點解吾救反bb出泥? 第2隻又死埋...佢系條頸斷左死既...我想問點解會甘? d bb過左幾多日先至冇甘易死? 我十日到冇幫aa &佢既bb換木康...今日幫佢地換左...我用湯磁"不"左1半dirty既木康出泥..之後換左d新既入去..甘樣會吾會影響到佢地? bb同cc系同1個龍既~~bb系呢2日傷左...我見到佢個嘴邊有1行血~~我想知點幫佢清理? 因為我怕血..我吾想見到佢甘樣...仲有佢隻眼開吾到...好似有野痴住甘..咩泥? 我牙媽話佢比cc打到隻眼..所以先會甘..今日我見到佢開反1隻眼...旦系佢訓教都系開住隻眼既..我好驚!! 佢d傷口會吾會好反架? 1個月前我發覺佢頭頸d毛小左好多..吾系得1執..吾似系甩左...佢成個頭頸系冇毛既...點解會甘?會吾會生反出泥? 暫時系甘多喇!!吾該解答我啦~~thz...我要專業d架!!

最佳解答:

• 呢首歌叫咩名阿-我好中意阿!!
• 想問有關 jj短的問題
• 英文情歌〔西洋音樂〕

 

此文章來自奇摩知識+如有不便請留言告知

而家即係分左兩籠?aa同佢生既一個籠,bb同cc一個籠? A.先講生左出唻既鼠先啦,因為鼠B同隻公既"bb"個名太似,所以以下所講既b係指生出唻既鼠bb 其中一隻鼠b既頸斷左,應該係鼠媽媽做成or佢係畸胎,咁要睇返斷開既傷口係點,如有血似被咬開既話,就應該係鼠媽媽想食佢,如冇血冇咩撕開or咬開既痕跡,就係畸胎了 焗死鼠b同鼠媽媽食bb既道理一樣,有以下原因: 1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb 2)鼠媽媽覺得bb養唔大-鼠bb身體弱 or 自己冇足夠既奶分俾佢地 3)鼠媽媽覺得bb有第d動物氣味 4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張 5)鼠bb死左 6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb 鼠鼠生左bb之後要留意以下幾點:(其實懷疑懷孕已經要留意了) 1)將鼠爸分開 2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶) 3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既 4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事. 5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既. 6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣 B.鼠b一般去到戒奶(18-21日),同媽媽分開之後先可以話真正安全的 C.而家鼠b係幾多日大呢?因為你話十日冇換,今日換,但唔係好知即係幾多日 換木糠其實最好忍到分籠先再換,如果真係忍受唔到既,都最好等鼠bb開左眼先 D.到講公鼠"bb"同母鼠cc了,以下既"bb"開始係指公鼠 bb咀邊有一行血,係佢咀損左定係第度d血?如果係第度既血,佢本身都會舔走佢,應該好快會整得走,但係咀邊損左,就要等佢好返了 bb隻眼訓覺都開住,可能已經盲左,建議你同佢睇醫生處理,雖然就算盲左鼠鼠既生活都唔會太大影響,但有細菌感染就麻煩了,眼好難自行去醫,所以唔好亂攪佢 眼同咀既問題,都應該係打交做成,倉鼠本身係獨居動物,所以一齊住好易會打交,特別係熊仔鼠,比其他鼠更快有打交既行為,我之前唔小心買左隻大肚鼠返唻,熊仔鼠b未戒奶就已經打生打死呢,之前去買熊仔鼠,都見到好多已經受傷 而家佢地已經打成咁,盡快分開佢地吧,唔係到你訓左or不在家時,佢地打得更嚴重就仲慘 甩毛既問題,可能係有皮膚病or打交打到佢甩毛,而受驚都有甩毛既可能,但因甩毛部份在頭,所以唔可以用皮膚病藥水,加上佢眼,咀邊都咁多唔舒服,最好都係帶佢睇醫生處理 會唔會生返出唻真係好難講,可以食藥去處理,皮膚病好少會致命,所以唔洗太擔心,但佢而家幾樣病在身,都係處理左較危險既先,幾樣問題如果自行食藥,就唔知幾樣成藥可唔可以混埋一齊食 E.唔睇or睇醫生前既處理方法: 1)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重. 2)冇受傷既鼠,都必須要仔細檢查一下真係有冇受傷 3)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常 4)保持個籠乾爽清潔,避免細菌感染 5)如果有內服既"外傷素"就可以俾鼠鼠飲住先,但嚴重成咁其實都係要盡快睇醫生先係最好既方法 6)外傷好返先可以再處理皮膚病,皮膚病藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期. 7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦. 8)睇醫生既話可以考慮一下. 愛護動物協會診所資料: http://www.spca.org.hk/chi/vet/vetclinic.html (需入會) 愛護動物協會流動醫療車資料: http://www.spca.org.hk/chi/vet/moclinic.html 其實睇醫生可能平過你自行處理,又安全D,去愛護動物協會流動醫療車,診金百幾,針藥另計,但如果要做手術,就要去較貴既醫院先得 大圍珍禽異獸及寵物醫院 Tel: 2687 1030 地址:大圍積信街75號地下 http://www.taiwaiexotic.com/ F.你隻鼠cc有左既話,都要參考一下A點所講既資料 G.另外希望你考慮一下分籠同埋唔好繁殖佢地啦,打交問題,生bb又有問題,生到出唻既bb又要分籠,唔係會亂倫,慢慢咁會有好多隻(唔打死or bb養得大既話) 希望你可以考慮一下以下幾點: 1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既 2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢 3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢 4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦 5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

其他解答: