標題:

我想問狂野時x4 主角用個架車叫咩名.老爺車?

發問:

免費註冊體驗

 

此文章來自奇摩知識+如有不便請留言告知

我想問狂野時x4 主角用個架車叫咩名.老爺車? 我想.點解個d 很耐既車會甘貴.. 因為好貴..? 但系我感得好廢..點解要用個架? 老爺車吳系好廢既咩? 點解次次個d勁車都系老爺車黎

最佳解答:

你係指 Fast and Furious 4 入面 Dom (Vin Diesel 演) 嗰部車. 呢部車係六十七十年代, 通用汽車旗下 Chevrolet 嘅 Chevelle SS. 六十年代係美國汽車業嘅黃金時期. 當時未有石油危機, 而世界其他地區嘅汽車設計同生產都仲係落後於美國. 所以美國車廠可以唔理世界其他地區嘅市場, 剩係設計適合美國多又直又闊嘅路去跑嘅大CC 大扭力大馬力 Muscle Cars. 呢D車通常後面懸掛都唔係獨立避震, 而引擎嘅 block又用上極堅固嘅物料做成, 可以抵受大量改裝後嘅壓力. 嗰時D引擎動不動就三四百匹, 加上後避震嘅設計, 所以走 drag 就最啱. 老爺車唔一定廢嘅. 當時嘅車結構上較簡單, 維修改裝都好容易. 老爺車, 買少見少, 唔見一架呢個世界就少一架, 好普通嘅經濟理論, Supply and Demand. 你 supply 少, demand 高, 市價就會貴. 你認為係廢, 但其他人可以當佢係寶, 一個上咗年紀嘅人嘅回憶. 你可以諗吓, 你而家十幾歲未有得買車, 但好鐘意一架車. 可能到你四五十歲時想買番呢個回憶番嚟, 所以到時呢架老爺車都會買少見少, 都可能會好貴. 始終都係做戲啫. 美國戲用番美國車去迎合美國人嘅情意結好人之常情. 正如你真係認為一部廿幾年嘅 AE86 可以贏到新車嗎? 就係咁簡單.

其他解答:
arrow
arrow

    iks84im62a 發表在 痞客邦 留言(0) 人氣()